У Гродне прадаюць гасцініцу «Гродна»

У 2016-м гасцініцу выкупіў кітайскі інвестар.

Гасцініцу «Гродна» праз 10 гадоў пасля продажу кітайскаму інвестару зноў выставілі на аўкцыён.

На электроннай пляцоўцы «БУТБ-Имущество» за яе просяць 9 млн рублёў, звярнуў увагу Office Life.

Гасцініцу «Гродна» разам з аднайменным рэстаранам у адным комплексе пабудавалі ў 1985 годзе. Тады 16-павярховы будынак быў разлічаны на 500 пастаяльцаў. Аднак праз 20 гадоў комплекс закрылі з-за таго, што ён не адпавядаў патрабаванням бяспекі.

У 2016-м гасцініцу выкупіў кітайскі інвестар, ён хацеў стварыць тут сучасны гатэль. На гэта паводле ўмоў таргоў яму адводзілі чатыры гады. Аднак аб’ект ператварыўся ў даўгабуд.

У лютым 2024-га паведамлялася, што рэканструкцыю гасцініцы «Гродна» падоўжылі да канца 2024 года. На той момант праектам працягваў займацца кітайскі бізнесмен, які ад сваіх абавязацельстваў не адмаўляўся. Тым часам Уладзімір Каранік, які тады быў губернатарам Гродзенскай вобласці, не выключаў, што ў найгоршым выпадку для праекта знойдуць іншага інвестара.

Новы аўкцыён прызначаны на 18 ліпеня. Пры гэтым патрабаванні да патэнцыйнага ўладальніка за 10 гадоў амаль не змяніліся. Ён павінен за год распрацаваць праект і завяршыць рэканструкцыю за тры гады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com