Святлавы меч Люка Скайуокера з «Зорных войнаў» прадалі за рэкордныя $3,75 млн

Гэта найвысокая цана, якую заплацілі за арыгінальны рэквізіт з фільмаў франшызы.

Арыгінальны меч Люка Скайуокера, якім ён карыстаўся ў фільме 1980 года «Зорныя войны. Эпізод V: Імперыя наносіць адказны ўдар», быў прададзены за $3,75 млн. Пра гэта паведамляе The Hollywood Reporter са спасылкай на кампанію Heritage Auctions, якая і правяла здзелку. Імя пакупніка не раскрываецца.

Паводле звестак выдання, гэта найвысокая цана, якую заплацілі за арыгінальны рэквізіт з фільмаў франшызы. Папярэдні рэкорд складаў $3,135 млн — столькі ў 2023 годзе заплацілі за мадэль крыжакрыла, што выкарыстоўвалася падчас здымак касмічнай бітвы ў першым фільме пра «Зорныя войны».

Меч выкарысталі, бадай, у самай вядомай сцэне фільма, у якой Дарт Вейдэр спачатку адсякае Люку руку, што трымала меч, а потым вымаўляе сваю знакамітую фразу «Я — твой бацька».

«Гэта адзін з самых важных з захаваных артэфактаў “Зорных войнаў”, — цытуе выданне выканаўчага віцэ-прэзідэнта Heritage Джо Маддалену. — Ён — частка эмацыйнай кульмінацыі “Імперыя наносіць адказны ўдар”, сцэны, якая назаўсёды змяніла сагу і засталася адным з самых незабыўных момантаў у гісторыі кіно. Калекцыянеры разумелі, што яны змагаюцца за нешта большае, чым проста рэквізіт. Яны змагаліся за сапраўдны кавалачак сучаснай міфалогіі».

Святлавы меч, адзначае выданне, быў выраблены Сцюартам Фрыборнам, адным з вядучых грымёраў усіх трох арыгінальных фільмаў «Зорных войнаў». Ён таксама ўдзельнічаў у стварэнні вобраза майстра Ёды. Прадстаўнікі Heritage кажуць, што атрымалі меч наўпрост ад спадкаемцаў Фрыборна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com