Зварот да Зяленскага прывёў да гучнага скандалу ў Малдове

Прашэнне аб дапамозе скончылася публічнай спрэчкай.

Мэр Кішынёва Іон Чэбан публічна папрасіў прэзідэнта Украіны Уладзіміра Зяленскага прадухіліць водны крызіс у цэнтры Малдовы. Аднак пасля гэтага ён адразу трапіў пад шквал крытыкі.

Пра гэта паведамляе Newsmaker.

Паводле меркавання Чэбана, менавіта Зяленскі і яго каманда могуць хутка ўмяшацца ў сітуацыю і дапамагчы Малдове вырашыць гэтую праблему.

«Я афіцыйна звяртаюся да адміністрацыі ў Кіеве і, у прыватнасці, да прэзідэнта Уладзіміра Зяленскага... Я прашу пра непасрэдны і асабісты ўдзел у вырашэнні сітуацыі з водазабеспячэннем у Малдове. Я ўпэўнены, што ўкраінская адміністрацыя разам з грамадзянамі не дапусціць, каб жыхары Малдовы засталіся без вады», — заявіў у звароце мэр Кішынёва.

Больш за тое, Чэбан публічна абвясціў, што не давярае ўладам сваёй краіны ў гэтым пытанні. Ён лічыць, што кіраўніцтва Малдовы не справіцца з вырашэннем гэтай праблемы.

На публічны зварот мэра да Зяленскага адразу адрэагаваў міністр па навакольным асяроддзі Георг Хадждэр.

Кіраўнік ведамства папракнуў Чэбана і параіў яму заняцца «састарэлай інфраструктурай», а таксама выдзяляць сродкі з бюджэту на водазабеспячэнне.

«Яму было б лепш заняцца тым, што ён абавязаны рабіць, і пакінуць гэтыя праблемы, якія, у асноўным, не датычацца той ці іншай краіны, бо гаворка ідзе пра змяненне клімату, пра ваду, якая менш назапашваецца ў вадасховішчы», — заявіў Хаждэр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com