«Абажаю беларусаў!»

Прыклады самаарганізацыі і ўзаемадапамогі.

Карыстальнікі Threads расказалі пра тое, як нашы суайчыннікі паводзяць сябе, калі хтосьці сутыкаецца з праблемамі.

«Абажаю беларусаў! – піша themaritur. – Я сёмую гадзіну стаю на беларуска-польскай мяжы (Бераставіца). Не, не таму, што чаргі. Тут усё прайшло хутка. Уся справа ў тым, што ў нашага аўтобуса аказаўся нейкі няправільны чып, з-за гэтага ён не можа ўехаць у Польшчу.

Дык вось, замест «кіпішу» людзі спакойна падзяліліся на групы. Тых, у каго быў самалёт, пасажыраў з дзецьмі першымі перасаджвалі ў іншыя аўтобусы. Астатнія, у тым ліку і я, спакойна чакалі наступны аўтобус.

А пакуль чакалі — дзяліліся адзін з адным ежай, кіроўцы частавалі гарбатай, нехта жартаваў, нехта дапамагаў з чамаданамі. Карацей, прачытайце першы сказ».

«Заехаў у «Санту» па літр Спрайту, — піша ar.rabau. — Выхаджу з пакупкай, насустрач незнаёмец: Слухай, я бачыў, як з тваёй машыны кабель выпаў, там каля тратуара ляжыць. Проста выпадковы мінак, якому ёсць справа да чужых праблем. Беларусь — гэта ўсё ж пра людзей».

Карыстальнікі падтрымалі аўтараў пастоў. Сайт Charter97.org прыводзіць некаторыя каментары:

— Недарма кажуць, што мы – «усходнія немцы».

— Сітуацыі на мяжы з доўгім чаканнем заўсёды паказваюць сапраўдных людзей, абажаю гэта.

— Прыемна такое чытаць, добрай вам дарогі! Я таксама люблю беларусаў, людзі розныя, шмат добрых сустракаю, і гэта вельмі сагравае і радуе.

— Беларусы — еўрапейская цывілізаваная нацыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com