Упершыню ў гісторыі: ЗСУ паразілі расійскі С-300 FPV-дронам
- 1.08.2026, 8:44
- 3,998
Унікальная аперацыя стала магчымай дзякуючы некалькім фактарам.
У ліпені 2026 года ЗСУ ўпершыню ў гісторыі паразілі расійскі зенітны ракетны комплекс С-300В з дапамогай FPV-дрона коптарнага тыпу.
Пра гэта паведаміў ветэран Сіл абароны Украіны Дзмітрый Путята.
Паводле слоў вайскоўца, унікальная аперацыя стала магчымай дзякуючы некалькім фактарам. І значную ролю адыгралі памылкі, дапушчаныя расійскай арміяй.
«Расіяне выбудоўваюць шматэшалёнавую сістэму супрацьдзеяння беспілотнікам. Трэба прызнаць, што ў многіх выпадках гэтая сістэма выглядае даволі прадуманай… Аднак на практыцы яна сутыкаецца з сур'ёзнымі праблемамі пры рэалізацыі на месцах», — паведаміў Путята.
Паводле ягоных даных, на сёння франтавая СПА Расіі складаецца з двух эшалонаў малогабарытных РЛС для выяўлення паветраных мэт, пастоў РЭБ, паветранага назірання з кулямётамі, мабільных агнявых груп, а таксама разлікаў дронаў-перахопнікаў, то бок абарона вельмі значная.
«Гэты зенітны комплекс павінен быў знаходзіцца пад прыкрыццём асобнага разліку радыёлакацыйнай станцыі, групы FPV-дронаў-перахопнікаў і паста РЭБ, спецыяльна выдзеленых для абароны раёна яго працы. Альбо гэтага не зрабілі, альбо, на шчасце, хтосьці выканаў свае абавязкі надзвычай няякасна», — канстатаваў Путята.
In July 2026, the Armed Forces of Ukraine hit a Russian S-300V using a copter-type FPV for the first time in the history.
In addition to this unique operation, it is worth noting the points that led to it. Namely, the mistakes of the Russian army. The Russians are building a… pic.twitter.com/LOLy3AYHgQ
— Dmytro Putiata (@kriegsforscherD) July 31, 2026
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
