Арцыбіскупа Кандрусевіча выпісалі з бальніцы

Пасля аперацыі на сэрцы.

Арцыбіскупа-эмерыта Тадэвуша Кандрусевіча выпісалі з бальніцы, куды ён трапіў у канцы ліпеня. 80-гадоваму іерарху зрабілі чарговую аперацыю на сэрцы, паведамляе Katolik.life.

«Сітуацыя была сур'ёзная, але лекары своечасова выяўлілі сардэчную недастатковасць і папярэдзілі новы інфаркт (раней арцыбіскуп ужо перанёс інфаркт). Пасля паляпшэння стану 80-гадоваму іерарху зрабілі аперацыю на сэрцы: устанавілі новыя стэнты і прачысцілі старыя. Гэта нескладаная працэдура на пасудзінах сэрца, але ў яго ўзросце яна магла несці пэўную небяспеку. Аднак іерарх, за якога вернікі працягваюць маліцца, паспяхова перанёс аперацыю», — паведаміла выданне.

Зараз Кандрусевіч знаходзіцца на рэабілітацыі.

Нагадаем, пра пагаршэнне здароўя Кандрусевіча стала вядома, калі ён не змог прыбыць на парафіяльнае свята ў Нава-Лукомлі 25 ліпеня. Арцыбіскуп перадаў парафіі віншавальны ліст, у якім адзначыў, што паводле стану здароўя і па патрабаванні лекараў вымушаны заставацца пад наглядам.

26 ліпеня на свяце для пажылых людзей у мінскім катэдральным касцёле іерарх таксама не змог прысутнічаць — удзельнікам паведамілі, што ён у бальніцы.

У лютым 2023 года арцыбіскуп Кандрусевіч перанёс аперацыю па выдаленні пухліны, а ў маі 2024 года яму зрабілі аперацыю на сэрцы пасля інфаркту.

Святар праходзіў хіміятэрапію, а ў сакавіку 2025 года ён распавёў, што метастазы пайшлі ў лёгкія.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com