Рэжым Лукашэнкі спрабуе схаваць інфармацыю пра падзенне беспілотніка ў Жлобіне
1- 18.08.2026, 19:37
- 1,538
Дрон упаў каля БМЗ.
Удзень, 18 жніўня, у беларускіх тэлеграм-каналах з’явілася інфармацыя пра тое, што у Гомельскай вобласці ўпаў беспілотнік. Падпісчыкі канала Charter97.org у TikTok паведамілі, што жыхары Жлобіна абмяркоўваюць «выбух» на Беларускім металургічным заводзе. Праваабаронцы гомельскай «Вясны» са спасылкай на мясцовых жыхароў напісалі, што каля завода мог упасці беспілотнік. Гомельскае выданне «Флагшток» сцвярджае, што дрон упаў сёння каля васьмі раніцы. «Зеркало» паспрабавала высветліць, што адбылося.
Як звычайная грамадзянка, журналістка «Зеркала» патэлефанавала ў прыёмную БМЗ. Там на пытанне, ці праўда, што каля завода ўпаў дрон, адказалі ўхіліста:
— Ведаеце што, увогуле ў такіх сітуацыях мы не даём інфармацыю па тэлефоне. Так нельга. І не таму, што хто-небудзь чагосьці не ведае. Так немагчыма перадаваць інфармацыю. Але паверце, нічога крытычнага не адбывалася. [Чакайце], што дзесьці ў навінах гэта абнародуць, можа, у нейкіх тэлеграм-каналах агучаць.
Яшчэ адзін званок мы зрабілі ў прыёмную раённага аддзела па надзвычайных сітуацыях (РАНС) Жлобінскага раёна. Таксама з пытаннем, ці сапраўды ў раёне БМЗ упаў дрон. Супрацоўніца, якая адказала на званок, пачуўшы пытанне, прыкрыла рукой трубку і пачала з кімсьці раіцца, а потым вярнулася да размовы.
— Тэлефануйце ў РАУС, бо мы па гэтай сітуацыі не працуем, мы не можам даваць ніякіх каментароў. РАУС разам са Следчым камітэтам працуюць. Мы гэтым не займаемся, — сказала яна.
Афіцыйна ні ўлады Жлобінскага раёна, ні Следчы камітэт, ні МУС, ні іншыя адказныя чыноўнікі пра надзвычайнае здарэнне не паведамлялі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
