Стан здароўя караля Нарвегіі пагоршыўся

У бальніцу прыбыла каралеўская сям'я.

Стан здароўя 89-гадовага караля Нарвегіі Харальда пагоршыўся падчас знаходжання ў бальніцы.

Пра гэта паведамілі у чацвер у каралеўскім палацы Нарвегіі.

«Здароўе Яго Вялікасці караля пагоршылася. Стан здароўя Яго Вялікасці караля вельмі цяжкі», — гаворыцца ў паведамленні на сайце палаца.

У сувязі з гэтым кронпрынц Хокон і жонка Харальда, каралева Соня, адмянілі ўсе запланаваныя мерапрыемствы, гаворыцца ў заяве палаца.

Як паведамляе NRK, у чацвер да бальніцы пад’ехала некалькі аўтамабіляў каралеўскай сям’і. Кронпрынц Хокон, кронпрынцэса Метэ-Марыт, прынц Свэррэ Магнус і каралева Соня знаходзяцца побач з каралём. Таксама прыбыла прынцэса Астрыд, сястра караля.

Харальд, найстарэйшы кіраўнік дзяржавы ў Еўропе, быў шпіталізаваны 17 жніўня і, паводле паведамлення палаца, яму аказвалі лячэнне ад бактэрыяльнай інфекцыі ў крыві.

Пра пагаршэнне яго стану паведамлялі і 24 жніўня.

Харальд, які ўзышоў на нарвежскі трон у 1991 годзе, у апошнія гады меў шматлікія праблемы са здароўем, што прымусіла яго ўсталяваць кардыёстымулятар і скараціць свой афіцыйны графік.

Аднак ён заўсёды выключаў магчымасць адрачэння ад трона, тлумачачы гэта тым, што прынёс пажыццёвую прысягу перад нарвежскім парламентам.

У лютым яго шпіталізавалі з-за інфекцыі і абязводжвання на Тэнэрыфэ, куды ён адправіўся ў прыватнае падарожжа разам з каралевай Соняй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com