Зяленскі: Мы атрымалі ад ЗША інфармацыю пра сустрэчы ў Маскве

Украінскі прэзідэнт падзякаваў Вашынгтону за «неабходную танальнасць».

Прэзідэнт Украіны Уладзімір Зяленскі вечарам 28 жніўня заявіў, што Украіна атрымала ад амерыканскага боку інфармацыю пра сустрэчы ў Маскве, якія адбыліся ў апошнія дні.

Пра гэта ён сказаў падчас свайго вячэрняга звароту.

Прэзідэнт Украіны падзякаваў амерыканскаму боку за неабходную «танальнасць размовы з Расіяй».

«Сёння мы атрымалі інфармацыю ад амерыканскага боку пра сустрэчы ў Маскве, якія адбыліся ў апошнія дні. Там прайшоў шэраг сустрэч. І мы гаварылі напярэдадні, мы гаварылі і цяпер з амерыканскім бокам. Я дзякую за інфармацыю і за неабходную танальнасць размовы з Расіяй», — сказаў ён.

Зяленскі падкрэсліў, што Украіна цэніць «скаардынаванасць крокаў і тое, што Амерыка прасоўвае цалкам рэалістычнае бачанне таго, што трэба рабіць і што трэба зрабіць».

«Расія павінна скончыць сваю вайну, трэба стварыць усе ўмовы, каб гэта адбылося», — дадаў ён.

Больш падрабязнай інфармацыі пра тое, пра якія менавіта сустрэчы ідзе гаворка, прэзідэнт не падаў.

У той жа час варта адзначыць, што нядаўна дырэктар ЦРУ Джон Рэткліф наведаў Маскву. Амерыканскі прэзідэнт Дональд Трамп пасля гэтага выказаў надзею, што з візіту амерыканскага дырэктара ЦРУ ў Маскву «магчыма, нешта атрымаецца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com