На беларускім Палессі выявілі найрадзейшае насякомае

Сколію-гіганта знайшлі ў ваколіцах аграгарадка Лясковічы.

У ваколіцах аграгарадка Лясковічы энтамолагі выявілі сколію-гіганта — найбуйнейшую асу ў Еўропе, паведамілі у прэс-службе Нацыянальнага парку «Прыпяцкі».

Сколія-гігант — буйное перапончатакрылае насякомае. Даўжыня цела самак дасягае 32–40 мм, самцоў — 26–32 мм.

Гэта насякомае лічыцца рэдкім і з 2015 года ўключана ў Чырвоную кнігу Беларусі.

Упершыню ў нашай краіне яго выявілі ў 2007 годзе ў Палескім радыяцыйна-экалагічным запаведніку. Пазней, у 2014-м, асу назіралі ў вёсцы Дарашэвічы.

«Сёння папуляцыя сколіі-гіганта знаходзіцца пад сур'ёзнай пагрозай з-за комплексу экалагічных фактараў і дзейнасці чалавека», — канстатавалі ў Нацыянальным парку.

Прычынай гэтага стала скарачэнне колькасці буйных жукоў, лічынкі якіх служаць ежай для патомства сколіі. Спад іх папуляцыі наўпрост звязаны з знікненнем старых лясоў, расчысткай ветравалаў, вырубкай усыхаючых дрэў і выкарчоўваннем пнёў.

У сукупнасці гэта прыводзіць да таго, што рэдкія насякомыя перабіраюцца бліжэй да чалавека і размнажаюцца ў жылой зоне. Напрыклад, яны могуць пасяліцца ў кампостных ямах або ў кучы драўняных адходаў.

Дадатковую шкоду асам наносяць выпальванне травы і рэшткаў апрацоўкі драўніны, а таксама выкарыстанне пестыцыдаў.

У Нацпарку звярнулі ўвагу, што сколія-гігант з’яўляецца неатрутным відам насякомых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com