Тлустая здабыча: у Крыме знішчаны расійскі комплекс за $15 мільёнаў

Для паражэння наземных мэтаў украінскія разведчыкі задзейнічалі марскія платформы Magura.

У часова акупаваным Крыме спецпадраздзяленне ГУР Мінабароны Украіны знішчыла расійскі зенітны ракетна-гарматны комплекс (ЗРГК) «Панцыр-С1», кошт якога складае каля 15 млн долараў. Пра гэта паведаміла прэс-служба Галоўнага ўпраўлення разведкі Міністэрства абароны Украіны.

«Чарговая здабыча спецпадраздзялення ГУР Мінабароны Украіны «Group 13» на тэрыторыі часова акупаванага Крыма — аператары ваеннай разведкі спалілі расійскі зенітны ракетна-гарматны комплекс «Панцыр-С1» і вайсковы кран захопнікаў», — гаворыцца ў паведамленні.

Паводле звестак разведкі, кошт знішчанага «Панцыра» складае каля 15 мільёнаў долараў.

Паведамляецца, што для паражэння наземных мэтаў акупантаў падчас аперацыі, якая адбылася на пачатку жніўня, былі выкарыстаныя шматфункцыянальныя марскія платформы Magura, якія з'яўляюцца носьбітамі FPV-дронаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com