Аляксандр Нявзораў: Калабок павінен заключыць кантракт на СВА

Аркі на сеансах паміралі б ад шчасця.

Эксперымент Пуціна можна лічыць вельмі паспяховым. Яму без асаблівых праблем удалося вывесці новы падвід людзей. У параўнанні з расіянамі XXI стагоддзя мутанты штатаўскіх баявікоў — істоты мілыя і бясшкодныя.

Так, кінавырадкі Галівуда адгрызаюць адзін аднаму ногі і высмоктваюць кішкі. Але ў адрозненне ад рускіх калег яны не ствараюць свайго кінематографа, не выбіраюць сваю Дзярждуму, не пішуць законаў і не ствараюць уласнай культуры.

Мярцвякі Галівуда мірна жруць уцалелых людзей, выюць і носяцца па здзічэлых гарадах. А вось Крэмль, ствараючы сваю рэальнасць, пайшоў значна далей.

Рускае кіно цяпер не проста спецыфічнае. Яно «паралельнае» ўсім чалавечым уяўленням. Яно з іншага, невядомага людзям вымярэння. Такое «Дзяржкіно» магло б быць у Мардоры. Аркі на сеансах паміралі б ад шчасця. Ёсць, вядома, недапрацоўкі. «Калабок» павінен быў бы прыняць праваслаўнае хрышчэнне і заключыць кантракт на СВА.

Фільм «Калабок» — яшчэ адна важная цаглінка рэальнасці імя Пуціна. І выдатны інструмент выхавання масаў. Рэжым не пашкадаваў і адслюнявіў на гэты шэдэўр мільярд рублёў. Дарэчы, даныя пра поспех «Калабка» даволі мутныя.

Дзярж. крыніцы настойваюць на 50 мільёнах выручкі ўжо ў першы дзень. СМІ і каналы, не здольныя да такой нахабнай і віртуознай хлусні, паведамляюць, што на ўсе сеансы ў Маскве было прададзена ўсяго 4 (чатыры) квіткі.

Аляксандр Нявзораў, Telegram

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com