Лукашэнка: У Беларусі не хапае камуністычнай сістэмы кіравання

Дыктатар, які жыве мінулым, у гэтым «цвёрда перакананы».

У Беларусі не хапае той сістэмы кіравання, якая была ў савецкія часы. Такое меркаванне выказаў Аляксандр Лукашэнка падчас працоўнай паездкі ў Вілейскі раён, піша БелТА.

«Не магу пахваліцца, што партыя (Камуністычная партыя) адыграла вырашальную ролю ў маім жыцці. Усяго хапала. Але павінен сказаць — непапулярна, можа быць, прагучыць для кагосьці з вас, асабліва для нашай моладзі, — вось якраз сёння не стае той сістэмы кіравання, якая калісьці была», — заявіў Лукашэнка.

«Таму гэта і задача, і настальгія. Маё цвёрдае перакананне, што нам не хапае той сістэмы кіравання», — дадаў ён.

«Я больш за ўсё гэта адчуваю. І той, хто хварэе за дзяржаву, гэта адчувае. Гэта мае адчуванні не сённяшняга і не ўчарашняга дня, — сказаў узурпатар. — Папрацаваўшы ўжо вельмі доўга «прэзідэнтам», я як ніхто іншы адчуваю, што не стае вось гэтай сістэмы кіравання дзяржавай. Не хапае сур'ёзнай кадравай працы. Як бы я ні спрабаваў выбудаваць вертыкаль кіравання і іншае (гэта ўсё ж такі было і цяпер ёсць выратаваннем для краіны), але структуры не хапае», — адзначыў дыктатар.

«Прапаную вам над гэтым падумаць, — звярнуўся ён да ўдзельнікаў нарады. — Ведаю, што вам не хочацца. Навошта вам гэтыя партыйныя органы, якія будуць займацца кадрамі, і партбюро, куды трэба хадзіць… Вы ж ужо аднаасобна кіруеце. Але з дзяржаўнага пункта гледжання — сістэму давядзецца выбудоўваць, даналаджваць», — заключыў Лукашэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com