Джордж Клуні растрогаў Венецыю прызнаннем у каханні да жонкі

Акцёр таксама выступіў у абарону журналістаў і дзеячаў мастацтва.

Джордж Клуні атрымаў ганаровага «Залатога льва» за ўклад у кінематограф на адкрыцці 83-га Венецыянскага кінафестывалю. 65-гадовы акцёр і рэжысёр выкарыстаў цырымонію не толькі для падзякаў, але і для эмацыйнага прызнання ў каханні сваёй жонцы Амал, а таксама дзеля абароны свабоды слова і мастацтва, — піша People (пераклад — сайт Charter97.org).

«Мне не стае слоў, каб апісаць, як моцна я кахаю сваю жонку. Я ганаруся ёй», — сказаў Клуні са сцэны. Ён таксама пажартаваў пра дзевяцігадовых двайнят Элу і Аляксандра, заявіўшы, што дзеці — адзіныя людзі, якім спадабаўся яго Бэтмен.

Потым прамова акцёра набыла сур'ёзны тон. Клуні папярэдзіў пра небяспеку тых, хто спрабуе выкарыстоўваць страх, каб уплываць на грамадства.

«Першымі ўлада спрабуе прымусіць маўчаць не палітыкаў, а журналістаў, якія задаюць нязручныя пытанні», — заявіў Клуні. Ціск таксама накіраваны на мастакоў, пісьменнікаў, акцёраў і музыкаў, якія адмаўляюцца ад простых адказаў і прымушаюць людзей спачуваць тым, каго яны ніколі не сустракалі.

«Гісторыі заўсёды небяспечныя для тых, хто сее страх», — падкрэсліў акцёр.

Клуні прызнаў, што кіно не здольнае спыніць войны, знізіць інфляцыю або выправіць выбары. Аднак, паводле яго слоў, мастацтва нагадвае людзям, што незнаёмец можа аказацца героем чыёйсьці гісторыі.

Завяршаючы прамову, акцёр заклікаў грамадства захоўваць рашучасць, любоў і павагу, каб разам прайсці праз цяперашнія выпрабаванні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com