Руды прызначаны памочнікам Лукашэнкі
16- 10.06.2013, 16:27
- 42,665
Беларускі кіраўнік прызначыў Кірыла Рудага сваім памочнікам па эканамічных пытаннях.
Пра гэта паведамляе прэс-служба дыктатара.
Як адзначыў кіраўнік, «Руды выдатна ведае сферу эканомікі, дзейнасць і дзяржаўнага, і прыватнага сектара, а таксама мае вопыт працы ў Кітайскай Народнай Рэспубліцы».
Ён звярнуў увагу на тое, што «Беларусі цікавыя працэсы, якія адбываюцца ў КНР, вопыт развіцця гэтай дзяржавы».
Раней Кірыл Руды (на фота) займаў пасаду дарадцы па эканамічных пытаннях Амбасады Беларусі ў Кітаі.
Таксама памочнікамі былі прызначаныя галоўны інспектар па Брэсцкай вобласці Зміцер Гобараў і галоўны інспектар па Гродзенскай вобласці - Уладзімір Даманеўскі.
Лукашэнка таксама прызначыў Паўла Каршуновіча суддзёй і старшынёй Менскага гарадскога суда. Прызначаючы на пасаду Каршуновіча, Лукашэнка ўказаў «на недапушчальнасць любога ўплыву на дзейнасць судоў».
Уладзімір Сулімаў прызначаны першым намеснікам старшыні Дзяржаўнага ваенна-прамысловага камітэта.