Меркель не спадабалася выбарчая кампанія ў Расеі
1- 3.12.2007, 8:42
Федэральная канцлерка Нямеччыны Ангела Меркель падвергла жорсткай крытыцы выбарчую кампанію ў Расеі.
У інтэрв'ю радыёстанцыі Deutschlandfunk Меркель выказала надзею на тое, што ход выбараў у Дзярждуму аб'ектыўна будзе асвятляцца ў сродках масавай інфармацыі.
Ангела Меркель таксама выказала шкадаванне з нагоды таго, што ніводны з назіральнікаў АБСЕ не будзе прысутнічаць на выбарах.
Канцлерка Нямеччыны адзначыла, што хацела б падтрымліваць добрае супрацоўніцтва з Расеяй, каб сумесна шукаць вырашэнні такіх знешнепалітычных праблем, як будучы статус Косава або канфлікт вакол атамнай праграмы Ірана.
У той самы час, па словах Меркель, яна ўвесь час будзе нагадваць Маскве пра захаванне правоў чалавека і свабодным функцыянаванні розных партый.
29 лістапада Прэзідэнт Расеі і лідэр выбарчага спісу Единой России Уладзімір Пуцін выступіў з зваротам да народа, прымеркаваным да выбараў у Дзярждуму. У ім ён заклікаў грамадзян прагаласаваць за Единую Россию. Зварот транслявалі ўсе федэральныя тэлеканалы.
