Лукашэнка даручыў «палатцы» заняцца пытаннем Паўднёвай Асеціі і Абхазіі
5- 30.10.2008, 10:04
Аляксандр Лукашэнка даў даручэнне «палаце прадстаўнікоў» разгледзець просьбы Паўднёвай Асеціі і Абхазіі аб прызнанні іх незалежнасці.
Аб гэтым у інтэрв'ю «Новым Известиям» заявіў дзяржсакратар «саюзнай дзяржавы» Расеі і Беларусі Павел Барадзін.
Па словах Барадзіна, спачатку дакументы ад кіраўнікоў Паўднёвай Асеціі і Абхазіі патрапілі ў ягоныя рукі, а ён перадаў іх «беларускім калегам».
Нагадаем, у панядзелак новаабраны спікер беларускай «палаты прадстаўнікоў» Уладзімір Андрэйчанка заявіў, што пытанне аб прызнанні незалежнасці Паўднёвай Асеціі і Абхазіі будзе разгледжанае «палатай прадстаўнікоў» пасля ягонага ўнясення, але «у дадзеным выпадку трэба ўлічваць меркаванне народа».