Беларусы Францыі і Бэльгіі ўшанавалі Дзядоў
2- 3.11.2008, 9:31
Традыцыйнае адзначэньне Дзядоў прайшло ўчора ў Антвэрпэне (Бельгія). Паніхіду за ўсіх загіблых беларусаў адслужыў айцец Ян Майсейчык.
Ян Майсейчык – сьвятар беларускай уніяцкай царквы ў грэка-каталіцкай беларускай парафіі Сьвятога Пакутніка Язафата Полацкага і Хрыстова Ўваскрасеньня ў Антвэрпэне ў Бэльгіі.
Пры гэтай беларускай царкве згуртаваныя беларусы і Бэльгіі, і Францыі, паведамляе “Радыё Свабода”.
Лідэр Беларуска-Эўрапейскага Задзіночаньня Зьміцер Піменаў паведаміў, што пасьля паніхіды беларусы ў горадзе Лювэне наведалі магілу Міколы Равенскага, якога “ўсе палітуцекачы лічаць сваім Дзедам”.
”Мы памятаем пра Дзядоў і просім у іх сілы змагацца за волю і дабрабыт Беларусі”, – сказаў Зьміцер Піменаў.
