Уступленне Ўкраіны ў НАТА можа пачацца ўжо ў 2009 годзе
2- 3.11.2008, 10:38
Амбасадар ЗША на Ўкраіне Ўільям Тэйлар дапушчае, што атрыманне Кіевам Плану дзеянняў адносна ўдзелу ў НАТА (ПДУ) магчымае ў 2009 годзе.
"Калі ўкраінскае кіраўніцтва працягне быць зацікаўленым у атрыманні ПДУ ў красавіку, у чэрвені наступнага года, то, безумоўна, магчымасць (атрыманні ПДУ) будзе існаваць", - заявіў ён у інтэрв'ю "Газеце 24", апублікаваным у панядзелак.
Амбасадар нагадаў, што ў красавіку 2009 года пройдзе наступны саміт НАТА, у пачатку лета адбудзецца сустрэча міністраў замежных спраў краін НАТА. Па ягоным меркаванні, гэтыя сустрэчы стануць новай падставай для разгляду пытання палітычнай стабільнасці Ўкраіны, а таксама вывучэння жадання лідэраў краіны адносна далучэнні да ПДУ, перадае "Інтэрфакс".
Тэйлар нагадаў, што адным з крытэраў, які вывучаюць і ўлічваюць міністры замежных спраў перад падрыхтоўкай да сустрэчы, з'яўляецца палітычная стабільнасць. Пры гэтым дыпламат упэўнены, што Ўкраіна і ў наступным мае магчымасць з дапамогай старой або новай кааліцыі зноў здабыць палітычную стабільнасць.
"Гатовасць Альянсу прапанаваць ПДУ залежыць ад кіраўніцтва Ўкраіны. Канчатковае рашэнне адносна ўдзелу Ўкраіны ў НАТА - у руках грамадзян Украіны", - рэзюмаваў амбасадар ЗША.
