Пікет на плошчы Незалежнасьці ў Менску забаронены

Менгарвыканкам не дазволіў правесьці 8 сьнежня пікет на плошчы Незалежнасці каля помніка Ўладзімеру Леніну.

Заява аб правядзеньні пікета, пададзеная актывістамі «Маладога Фронту» Настай Палажанкай, Аляксеем Янушэўскім і Настай Лойкай, задаволенай не была, піша старонка mfront.net.

Менгарвыканкам адмовіў, спасылаючыся на артыкул 9 закона «Аб масавых мерапрыемствах», дзе напісана, што «правядзеньне масавых мерапрыемстваў не дапускаецца:

• на аб'ектах метрапалітэна;

• на адлегласьці менш 200 метраў ад будынкаў рэзыдэнцыі прэзыдэнта, Нацыянальнага сходу, падземных пешаходных пераходаў, станцый метрапалітэна;

• на адлегласьці менш 50 метраў ад будынкаў рэспубліканскіх ворганаў дзяржаўнага кіраваньня, мясцовых прадстаўнічых, выканаўчых і распарадчых органаў, тэрыторый арганізацый, якія забясьпечваюць абароназдольнасьць, бясьпеку дзяржавы і жыцьцядзейнасьці насельніцтва».

Нагадаем, 7 лістапада чальцы апазыцыйнай Партыі Камуністаў Беларускай бесперашкодна ўскладалі кветкі да памніка Леніну, а чальцы праўладнай Камуністычнай партыі Беларусі нават арганізавалі ля помніка невялікі мітынг.