У Беларусі больше не будзе тэлеканала «Россия»
28- 1.07.2008, 16:19
З 1 ліпеня замест расейскага тэлеканала «Россия» беларусам прапаноўваюць глядзець «РТР-Беларусь».
Як паведаміў БелаПАН дырэктар тэлеканала "РТР-Беларусь" Уладзімір Пярцоў, з сённяшняга дня ўступіла ў сілу новае пагадненне паміж расейскім бокам і ЗАТ "Столичное телевидение", якое рэтранслявала канал "Россия"; яно "ўстраніла шэраг нязручнасцей юрыдычнага характару, якія існавалі раней".
Па словах У.Пярцова, тэлеканал "РТР-Беларусь" будзе вяшчаць на той же частаце, што і "Россия". Ён таксама запэўніў, што ў праграме захаваюцца найбольш папулярныя расейскія праграмы і перадачы, якія будуць транслявацца ў той жа час, што і раней.
