Мірон заклікае змагацца за сапраўдныя выбары
- 18.09.2008, 9:36
17 верасьня каля 9 вечара на даху трохпавярховага жылога дома па вуліцы газэты “Праўда” у Віцебску быў узьняты бел-чырвона-белы сьцяг.
Як паведаміў “Радыё Свабода” старэйшы віцебскі апазыцыянэр Барыс Хамайда, да сьцягу прымацавана цыдулка наступнага зьместу:
“Калі любіш Радзіму, байкатуй выбарчы фарс! Мы яшчэ возьмем удзел у сапраўдных выбарах. Жыве Беларусь! Мірон”.
Спадар Хамайда кажа, што пра цыдулку яму паведамілі вартыя даверу крыніцы. А што да сьцяга, то яго апазыцыянэру давялося пабачыць на ўласныя вочы. Бачылі бел-чырвона-белы сымбаль і віцебскія мінакі. Але невядома, колькі часу яму суджана лунаць над Віцебскам — звычайна праз гадзіну-другую сьцяг заўважаюць супрацоўнікі міліцыі.
