Расейскі газ усёткі падаражэў. У Беларусі ўзнімаюцца кошты
10- 20.01.2009, 11:09
Кошты на прыродны газ для юрыдычных асобаў і індывідуальных прадпрымальнікаў у Беларусі з 1 студзеня павялічаныя на 9,8%.
Кошт узрасце з $158,67 да $174,18 за 1 тыс. куб.м без ПДВ. Адпаведнае рашэнне ўтрымліваецца ў пастанове Міністэрства эканомікі Беларусі №7, паведамілі БелТА у прэс-службе ведамства.
"Неабходнасць перагляду коштаў на прыродны газ для спажыўцоў рэспублікі ўзнілка ў сувязі з падаражэннем 1 студзеня 2009 года кошту набыцця прыроднага газу ў Расейскай Федэрацыі, а таксама змяненнем агульных эканамічных умоваў гаспадарання", - патлумачылі ў Міністэрстве эканомікі.
Улічваючы, што аплата канчатковымі спажыўцамі за спажываны прыродны газ у студзені бягучага года будзе ажыццяўляцца ў лютым, кошты на газ, вызначаныя гэтай пастановай, падлягаюць ужыванню з 1 студзеня 2009 года.
