У Берасці з'явіліся бел-чырвона-белыя сцягі (Фота)

Актывісты руху «Маладая Беларусь» вывесілі ў Берасці нацыянальныя сцягі ў межах кампаніі «За незалежную Беларусь».

Акцыя ў Берасці прайшла ў межах кампаніі «За незалежную Беларусь!», якая прысвечаная нацыянальным сімвалам і накіраваная на адраджэнне гістарычнай памяці і ўспрыманне незалежнасці як галоўнай каштоўнасці любога народа, паведамляе «Радыё Свабода».

Паводле сведчанняў удзельнікаў акцыі, жыхары Берасця маглі назіраць бел-чырвона-белыя сцягі больш за гадзіну, пакуль іх не знялі супрацоўнікі міліцыі.