20 траўня 2019, панядзелак, 3:09
За нашу і вашу свабоду!
Рубрыкі

Краўнік МЗС Нідэрландаў не хоча ціснуць руку апошняму дыктатару Еўропы

14

На нефармальнай сустрэчы міністраў замежных спраў краін Еўразвяза плануецца абмеркаваць адносіны ЕЗ з Беларуссю.

Як паведамляе прэс-служба Рады Еўразвяза, мяркуецца, што сёння ў чэшскім горадзе Глубока міністры абгавораць пытанні аб сітуацыі на Блізкім Усходзе, аб дзейнасці грамадзянскай місіі ЕЗ у Косава, а таксама адносіны з Беларуссю. На 28 сакавіка запланаванае абмеркаванне сітуацыі на Заходніх Балканах з удзелам міністраў замежных спраў Харватыі, Турцыі і Македоніі.

Прыняцце якіх-небудзь афіцыйных дакументаў не прадугледжана. "Галоўнай мэтай гімніхскіх сустрэч заўсёды была магчымасць у нефармальным становішчы абгаварыць шэраг надзённых і адчувальных праблем", - адзначаецца ў паведамленні прэс-службы.

Нагадаем, 20 сакавіка лідэры краін ЕЗ ухвалілі новую праграму "Ўсходняе партнёрства" з удзелам шасці постсавецкіх краін - Азербайджана, Арменіі, Беларусі, Грузіі, Малдовы і Ўкраіны.

У той жа час пытанне аб запрашэнні прэзідэнта Аляксандра Лукашэнкі на саміт краін - удзельніц праграмы "Ўсходняе партнёрства" 7 мая не вырашанае. Чакаецца, што гэтае пытанне стане тэмай абмеркавання на цяперашнім гімніхе.

Дыскусія па беларускім пытанні ініцыяваная Нідэрландамі, паведамляе "Радыё Свабода" са спасылкай на еўрапейскія СМІ. Кіраўнік МЗС Нідэрландаў Максім Ферхаген не раз выступаў за ўзмацненне санкцый супраць беларускіх улад. Ферхаген выказаўся супраць візавага мараторыя для Аляксандра Лукашэнкі і высокапастаўленых беларускіх чыноўнікаў яшчэ на 9 месяцаў падчас апошняй сустрэчы міністраў ЕЗ у Брусэлі.

Па словах Максіма Ферхагена, далучэнне Беларусі да праграмы "Ўсходняе партнёрства" не выключае ўдзелу Лукашэнкі ў майскім саміце ЕЗ. У выніку шматлікія еўрапейскія лідэры могуць патрапіць у няспраўнае становішча. Яны будуць вымушаныя паціснуць руку чалавеку, якога лічаць "апошнім дыктатарам Еўропы".