А ну-ка прыбяры свой чамаданчык
7- Ігар Эйдман
- 20.11.2026, 13:28
- 7,848
Сі стаміўся ад ядзернага шантажу Пуціна.
Пуцін прыпёрся ў Шэньчжэнь нібыта з ядзерным чамаданчыкам і загадаў ад'ютанту сунуць яго ў нос журналістам. Думаў усіх напалохаць — які ён вялікі і жахлівы. Аднак у Сі былі іншыя планы. Яму, відаць, надакучыў небяспечны ядзерны шантаж Пуціна.
У кітайцаў ёсць іншыя планы адносна ядзернай зброі. Яны хацелі б проста яе забараніць, пра што наўпрост сказаў Сі. Таму Сі прымусіў Пуціна падпісаць дэкларацыю аб недапушчальнасці ядзернай вайны, у якой не можа быць пераможцы. А як жа пужалкі расійскай прапаганды пра разгромны ядзерны адказ у выпадку, калі НАТА паспрабуе ўвесці свае войскі ва Украіну, абараніць яе ваенным шляхам? А як жа пагрозы Лаўрова, Мядзведзева, самога Пуціна з гэтай нагоды? А як жа, урэшце, афіцыйная расійская ваенная стратэгія, якая прадугледжвае ядзерны адказ у тым ліку і на ўдар звычайнай (канвенцыйнай) зброяй? Можна расслабіцца — Пекін не дае згоды свайму васалу на развязванне ядзернай вайны. І расійскі васал, хоць і неахвотна, пасля звязаных з гэтым шматлікіх прыніжэнняў з боку кітайцаў у Шэньчжэне, усё ж згаджаецца.
Усё гэта нагадвае вядомую адэскую песнячку.
Сі Пуціну: «А ну-ка прыбяры свой чамаданчык!»
Пуцін: «А я не прыбяру свой чамаданчык!»
Далей Пуцін атрымлівае ад кітайскага гаспадара моцны ляпас і з перакошаным ад крыўды тварам прыбірае макет ядзернага чамаданчыка з вачэй прэч.
Ігар Эйдман, Telegram