Наталля Радзіна: Лукашэнку засталося нядоўга
- 19.11.2026, 15:22
Мы можам вярнуцца дадому ў наступным годзе.
У вялікім інтэрв'ю YouTube-каналу «Радыё Рацыя» галоўная рэдактарка сайта Charter97.org Наталля Радзіна, якую вядоўца Яўген Валошын прадставіў як адну з самых уплывовых постацей беларускага медыяпрасторы, жорстка выказалася пра сітуацыю ў беларускай апазіцыі і прынцыпова адказала крытыкам санкцый і прыхільнікам дыялогу з рэжымам Лукашэнкі.
Наталля Радзіна распавяла пра сустрэчу з былым віцэ-прэзідэнтам «Газпрамбанка» Ігарам Валабуевым, які ваюе на баку ЗСУ і доўгі час быў начальнікам экс-банкіра і прэтэндэнта на пасаду прэзідэнта Беларусі Віктара Бабарыкі. Што ён сказаў пра самастойнасць Бабарыкі як палітыка — глядзіце ў інтэрв'ю.
Вяртанне Сяргея Ціханоўскага і крытыка офісу
Галоўная рэдактарка сайта Charter97.org пракаментавала гучнае вяртанне блогера і былога палітвязня Сяргея Ціханоўскага у медыяпрастору:
— Яму было складана прайсці праз пяць гадоў турмы, а потым сутыкнуцца з такім стаўленнем з боку офісу сваёй жонкі. Сяргей жа доўгі час маўчаў. Паўгода ўсё было добра — працаваў з офісам, не хацеў слухаць крытыку. А цяпер ён пачаў гаварыць тыя ж рэчы, якія многія раней казалі пра Ціханоўскую, і я ў тым ліку: пра некампетэнтнасць гэтага офісу, зліў пратэстаў праз стратэгію выхаду на пратэст па нядзелях, пра карупцыю ў гэтым офісе, куды пайшлі гіганцкія грошы і чаму так шмат агентуры. Што з планам «Перамога», «Беларускім Гаюнам», дзе спікер «Каардынацыйнага савета» Анжаліка Мельнікава, якая аказалася афіцэрам КДБ?
Таксама ў інтэрв'ю Наталля Радзіна выказалася пра «вертыкаль», якую офіс Ціханоўскай выбудаваў па прыкладзе Лукашэнкі, і распавяла пра нязручную праўду, што выйшла вонкі пасля прызнання экс-прапагандысткі БТ Таццяны Мартынавай у цэнзуры ў медыя, звязаных з офісам Ціханоўскай.
«Ахова, картэжы, нікому не патрэбныя «міністры» і «каардынацыйныя саветы». Што гэта, калі не неабдуманая трата грошай. Людзі проста тешацца сваімі амбіцыямі», — крытыкуе офіс Ціханоўскай Наталля Радзіна.
Пра гэта і не толькі глядзіце ў інтэрв'ю на YouTube-канале «Радыё Рацыя»