ЗСУ ўдарылі па штабе акупантаў у Бярдзянску: ліквідаваны сын генерала
- 20.11.2026, 14:39
- 3,462
Атака была камбінаванай.
Камбінаваны ўдар ракетамі і ўдарнымі дронамі быў нанесены па штабе 58-й расійскай арміі ў акупаваным Бярдзянску Запарожскай вобласці, паведамляе тэлеграм-канал «Досье шпиона». Паводле яго звестак, загінулі 7 вайскоўцаў, яшчэ 12 атрымалі раненні.
Сярод загінулых — начальнік аддзела кадраў
Удар прыпаў на сераду. Сярод загінулых, як сцвярджаецца, апынуўся начальнік аддзела кадраў 58-й арміі.
Таксама паведамляецца пра гібель Сяргея Касабокава, сына генерал-лейтэнанта Міхаіла Касабокава, камандуючага 49-й арміяй.
Раней сайт Charter97.org пісаў, што расійскія вайсковыя калоны трапілі ў пастку пасля спынення Крымскага моста.