Сідорскі запатрабаваў ударнымі тэмпамі вырошчваць буракі

Прэм’ер-міністр Беларусі загадаў аграрыям і навукоўцам падвысіць ураджайнасць цукровага бурака да еўрапейскага ўзроўня.

Такое патрабаванне ён агучыў сення падчас наведвання Гарадзейскага цукровага камбіната, паведамляе карэспандэнт БелТА.

Сяргей Сідорскі растлумачыў аграрыям, як правільна збіраць буракі.

Так ён заявіў, што за апошнія гады асобныя гаспадаркі краіны дамагліся ўраджайнасці цукровага бурака ў 500-560 ц/га. Аднак у Еўропе гэты паказчык дасягае 700 ц/га.

«І нам трэба імкнуцца да гэтай планкі, спыняцца нельга. У нас ёсць зямля, тэхналогіі, трэба так вырошчваць бурак, каб атрымліваць максімальную аддачу», - сказаў Сяргей Сідорскі. Пры гэтым ён адзначыў, што навукоўцы распрацавалі неабходныя тэхналогіі вырошчвання, апрацоўкі, уборкі цукровага бурака. «Галоўнае зараз - разабрацца ў іх, каб у найбліжэйшыя 1-2 гады дадаць і атрымліваць такую прадукцыйнасць, як на палях лепшых гаспадарак свету», - дадаў ён.

Сідорскі заявіў, што галоўная задача аграрыяў сёння - у сціснутыя тэрміны прыбраць ураджай. «На сусветным рынку кошт на цукар расце, ёсць перспектывы дзякуючы дадатковаму кошту, экспартным пастаўкам атрымліваць больш ад прадпрыемстваў гэтай галіны», - сказаў ён, дадаўшы, што ў кошт дзяржзамовы ў цяперашнім годзе павінна быць пастаўлена 3,5 млн т цукровага бурака, неабходна вырабіць як мінімум 511 тыс. т цукру.

«Лета было дажджлівым, глебы ў шматлікіх месцах пераўвільготненыя, - адзначыў ён. - Тое, што трэба прыбраць у першую чаргу, неабходна пасартаваць і паставіць на перапрацоўку, астатняе ж перапрацаваць на працягу 100 дзён на заводах».