З Бабруйскай бальніцы эвакуяваныя 368 чалавек
4- 27.10.2010, 17:01
Пацыенты і медперсанал бабруйскай бальніцы хуткай меддапамогі былі сёння эвакуяваныя з-за пажару ў падвале бальніцы.
«У падвале бальніцы хуткай дапамогі ў Бабруйску ўзнік пажар, былі эвакуяваныя больш за 350 чалавек», паведамілі «Інтэрфакс-Захад» у Магілёўскім абласным упраўленні МНС.
Паводле словаў суразмоўцаў агенцтва, выратавальнікам патэлефанавала медсястра бальніцы і паведаміла, што на трэцім паверсе бальніцы пачалося задымленне.
«Было выяўлена, што дым ідзе з падвала хірургічнага аддзялення, распаўсюджваючыся па будынку праз вентыляцыю. Пажар у падвале быў ліквідаваны на працягу 13 хвілінаў. Гарэў гасінвентар», - распавялі ва ўпраўленні па НС.
«Праз паўтары гадзіны пасля эвакуявання пацыенты вярнуліся ў палаты», - паведамілі суразмоўцы агенцтва.
