У Салігорску затрымалі моладзевага лідэра Івана Шылу (Абноўлена)

Аднаго з лідэраў «Маладога Фронту» затрымалі прама ў будынку Салігорскага райвыканкама.

Іван Шыла прыйшоў на паседжанне камісіі па фармаванні ўчастковых камісій па выбарах у мясцовыя саветы. Шыла з'яўляецца кіраўніком ініцыятыўнай групы Аляксея Валабуева.

Спачатку ён не мог дачакацца ад кіраўніка аддзела ідэалогіі Анатоля Казакевіча адказаў на пытанні, у які час і дзе праходзіць паседжанне. Потым прыехала міліцыя. У затрыманні ўдзельнічалі чацвёра міліцыянтаў. Спачатку Івана Шылу затрымалі нібыта для высвятлення асобы, а потым абвінавацілі ў вывешванні нейкай расцяжкі.

Як толькі скончылася праца па фармаванні ўчастковых камісій, апазіцыянера вызвалілі.