У Берасці па-зверску забіты ўрач-псіхіятр станцыі хуткай дапамогі

Тое, што ўбачыў у кватэры забітага ўрач брыгады інтэнсіўнай тэрапіі Васіль Косцікаў, павергла яго ў шок.

Раніцай 7 траўня ўрач-псіхіятр Берасцейскай станцыі хуткай дапамогі Мікалай Каплуноў павінны быў правесці заняткі па псіхіятрыі з групай студэнтаў медыцынскага каледжа. Напярэдадні, 6-га раніцай, ён сышоў з начной змены адпачываць дадому. Аднак звычайна пунктуальны і педантычны ўрач так і не з’явіўся своечасова на сваю лекцыйную гадзіну. Занепакоіліся, але яго хатні і мабільны тэлефоны не адказвалі, піша «Берасцейскі кур'ер».

Прыкладна каля 10.00 начальнік змены звязалася з пляменнікам, каб той паставіў у вядомасць сястру Мікалая Іванавіча, якая магла б высветліць, што здарылася. Сястра адправілася на кватэру брата, які жыў у цэнтры горада па вул. Міцкевіча, 5. Там пасля смерці маці ён пражываў адзін.

У 11.28 ў дыспетчарскую хуткай дапамогі раздаўся званок ад сястры: «Тэрмінова прыязджайце!» Праз пяць хвілін брыгада была на месцы. Тое, што ўбачыў ўвайшоўшы ў кватэру ўрач брыгады інтэнсіўнай тэрапіі Васіль Косцікаў, стала для яго шокам: «Каплуноў у адзенні і ўвесь у крыві ляжаў на падлозе тварам уніз. Рукі былі прывязаныя да тулава, ногі звязаныя. На галаве былі нажавыя раненні, на шыі - пятля з кабеля. Візуальна труп ўжо окачанеў, як быццам трагедыя адбылася не менш 6-7 гадзін таму, гэта значыць ноччу або на досвітку». Лекар канстатаваў смерць.

Загінулы, 52-гадовы лекар, скончыў лячэбны факультэт Гродзенскага медынстытуту. Меў салідны працоўны стаж. На хуткай дапамозе - каля 20 гадоў (з 1992 года). Быў загадчыкам падстанцыі, старшым урачом змены, намеснікам галоўнага лекара па медыцынскай частцы - да 2001 года, а потым па ўласным жаданні пайшоў працаваць урачом выязной псыхіятрычнай брыгады хуткай дапамогі.

Працаваўшы з ім у пары не адзін год фельчар Віктар Заверач кажа: «Ён - вельмі разумны прафесіянал сваёй справы, спецыяліст высокага класа, уедлівы, скрупулёзны. Калі ставіў дыягназ, то канкрэтна, рабіў усё па сумленні, па розуме. Кантынгент хворых: псіхічна хворыя, наркаманы, алкаголікі, «белыя коні» - гэта яго пацыенты. Асабліва адкрытым ён ні з кім не быў. Адзін час займаўся яшчэ прыватнай кадзіроўкай п'яніц».

У сваю чаргу галоўны ўрач гарадской станцыі хуткай дапамогі Генадзь Ласіцкі сказаў пра здарэнне так: «Я ў сваім жыцці першы раз сутыкаюся з такой сітуацыяй. Тым больш што дзень таму мы бачылі яго жывым і бадзёрым, віталіся, размаўлялі. Ён літаральна нядаўна прынёс мне дакладную запіску: у яго адбылася нейкая канфліктная сытуацыя ў прыёмным аддзяленні наркалагічнага дыспансера. Для нас гэта нечаканая страта добрага чалавека, высокакваліфікаванага спецыяліста псіхіятрычнай службы, прафесіянала высокага ўзроўню. Ён працаваў з тымі хворымі, якія допіваліся да «белай гарачкі», да стану галлюцыноза, якіх трэба везці не ў медвыцвярэзнік, а ў наркалагічны дыспансер, з людзьмі з абвастрэннем псіхічных захворванняў, якіх шпіталізавалі».

«Ці часта вашым брыгадам прыходзіцца сутыкацца з агрэсіяй і непрадказальнымі паводзінамі хворых?» - «Кожны божы дзень мы нарываемся на грубасць, абразы, мат, а часам і на фізічную сілу. Сёння хуткая дапамога выязджае і ў прытоны, і да наркаманаў, і да алкаголікаў, і на вулічныя бойкі, і на панажоўшчыну... Пэўны прыклад, калі п'яны хворы нанёс урачу, які прыехаў па выкліку, удар у галаву, у выніку той атрымаў скалынанне галаўнога мозгу. Нашы работнікі ўжо да гэтага адаптаваліся, выпадкі агрэсіі з боку іх пацыентаў становяцца для іх звычайнымі жыццёвымі сітуацыямі. Калі некаторыя з нас гавораць пра маленькі заробак, мы ў той жа час павінны памятаць пра тое, што нас сюды ніхто не запрашаў, - мы прыйшлі сюды самі па свайму прызванню. Мы ведалі, што нас чакае наперадзе. І я ўдзячны сваім работнікам за тое, што выбралі гэтую прафесію і працуюць. А праблема дзяржавы - як ацаніць гэтую працу».

Што тычыцца забойства Каплунова, то, як патлумачыў пракурор Ленінскага раёна Барыс Пятроўскі, зразумела адно: знойдзены труп з прыкметамі гвалтоўнай смерці. Праводзіцца праверка, у якой задзейнічаны супрацоўнікі крымінальнага вышуку райаддзела міліцыі і УУС аблвыканкама. На 17.30 7 траўня крымінальную справу яшчэ не ўзбуджалі.