Рассельгаснагляд знайшоў у беларускіх куранятах даксіцыклін

Рассельгаснагляд увёў з 15 траўня часовыя абмежаванні на пастаўку ў Расею прадукцыі ААТ «Смалявіцкая бройлерная птушкафабрыка».

Рашэнне прынятае «у сувязі з выяўленнем пры маніторынгавых даследаваннях жывёлагадоўчай прадукцыі прадпрыемства забароненых і шкодных рэчываў», паведамляе АФН.

У прыватнасці, у мясе птушкі беларускага прадпрыемства выяўлены даксіцыклін, паведамляецца ў прэс-рэлізе расейскага ведамства.