Аляксандр Казулін: Перамены ў Беларусі не за гарамі (Відэа)

Былы беларускі палітвязень Аляксандр Казулін выступіў на Форуме свабоды ў Осла.

У інтэрнэце з'явіўся відэа выступ Аляксандра Казуліна на гэтым праваабарончым форуме (ВІДЭА МОЖНА ПАГЛЯДЗЕЦЬ ТУТ).

«Мая краіна сур'ёзна хворая. У ёй кіруе адзін чалавек, адсутнічае падзел уладаў, пануе самаўпраўнасць і гвалт, законнасць расціснутая, груба ўціскаецца грамадзянская супольнасць, знішчаныя практычна ўсе сродкі масавай інфармацыі. Мы на другім месцы па колькасці зняволеных, па росце ваеннага бюджэту, па росце падаткаў. У нас дагэтуль ужывацца смяротнае пакаранне. Мы займаем 170 месца з 178-мі ў рэйтынгу шчаслівых краінаў і першае месца ў свеце па колькасці суіцыдаў. Гэты бесчалавечны рэжым вядзе Беларусь у тупік, ён ламае лёсы тысячаў і тысячаў людзей. Мы разам павінны змагацца з дыктатурай як з анамаліяй і хваробай. Хутка ў Беларусі новыя прэзідэнцкія выбары. Свабодалюбныя беларусы не змірацца з апошняй дыктатурай Еўропы, нават калі ў гэтым дзіўным, непрадказальным свеце будуць яе прыхільнікі і мецэнаты. Перамены ў Беларусі не за гарамі», - заявіў палітык.