Неплацельшчыкаў за камуналку перасяляюць у вёскі

Колькасць беспрацоўных і камунальных неплацельшчыкаў, якіх перасяляюць з гарадоў у вёскі, расце ў Магілёўскай вобласці.

Як паведамляе сайт Магілёўскага аблвыканкама, за мінулыя гады ў сярэднім высяленню падлягала 50-60 сем'яў. У першым паўгоддзі 2010 года ў Магілёўскай вобласці ў вёску было пераселена ўжо 48 сем'яў.

Калі сям'я налічвае некалькі беспрацоўных, дык кожны з іх атрымлівае суму ў 1,275 млн рублёў і працоўнае месца. Астатнім чальцам сям'і выплачваецца адзін пражытачны мінімум — 255 тысячаў рублёў. Таксама дзяржава плаціць і за пераезд сям'і на новае месца жыхарства.