Ператрус у кватэры Ірыны Халіп і Андрэя Саннікава
26- 12.01.2011, 13:15
(Абноўлена) Чарговы ператрус адбываецца ў кватэры Ірыны Халіп і Андрэя Саннікава, якія цяпер знаходзяцца ў СІЗА КДБ.
Як паведаміла Вольга Бандарэнка, жонка арыштаванага каардынатара "Еўрапейскай Беларусі" Зміцера Бандарэнкі, супрацоўнікі КДБ не ўпусцілі яе ў кватэру. Вольга хацела прысутнічаць у якасці панятой падчас ператрусу, але супрацоўнікі КДБ ёй у гэтым адмовілі.
Ператрус скончыўся каля 13.30. Супрацоўнікі КДБ павезлі з сабой Люцыю Юр'еўну, маці Ірыны Халіп, паабяцаўшы, што яна хутка вернецца. Трохгадовы сын Данік застаўся з няняй.
Люцыю Юр’еўну звезлі для таго, каб правесці яшчэ адзін вобшук на ейнай кватэры. КДБ забраў кампутар, які не выключылі ў мінулы раз.
