Польшча назвала БТ «неасталінскім»

Прапагандысцкая атака пацвярджае правільнасць дзеянняў Польшчы, лічыць кіраўнік МЗС гэтай краіны.

Кіраўнік МЗС Польшчы Радаслаў Сікорскі адмовіўся каментаваць тэлеперадачу АНТ, у якой Польшчу назвалі «жандармам Усходняй Еўропы».

«Немагчыма каментаваць такія неасталінскага выхадкі», - заявіў ён. «Інтэнсіўнасць прапагандысцкай атакі дае нам падставы меркаваць, што Польшча ў імя абароны правоў чалавека і дэмакратызацыі Беларусі рухаецца ў правільным кірунку», - заявіў ён.

Сікорскі нагадаў аб патрабаванні Польшчы вызваліць усіх палітычных зняволеных, якія былі затрыманыя пасля прэзідэнцкіх выбараў у Беларусі 19 снежня 2010 года, паведамляе tvn24.pl.

Нагадаем, 14 лютага ў эфіры тэлеканала АНТ адбылася дыскусія з удзелам экспертаў і палітыкаў з Польшчы, Літвы, Расеі і Украіны. Аўтары новага «шоў», якое выйшла замест закрытай праграмы «Выбар», усклалі віну за пагаршэнне беларуска-польскіх адносінаў на палітыкаў Польшчы і, у прыватнасці, на кіраўніка МЗС Радаслава Сікорскага. Адзін з журналістаў, якія вядуць праграму нагадаў, што кіраўнік МЗС Польшчы Радаслаў Сікорскі працаваў у якасці журналіста ў Афганістане. «Сёння спадар Сікорскі забываецца на тое, што накіроўвае польскіх хлопцаў, салдат у Афганістан, дзе іх забіваюць ягоныя ж былыя сябры». Іншы журналіст заявіў, што падобным спосабам Сікорскі робіць сабе кар'еру. «Шкада, што людзі з такім менталітэтам маюць магчымасць выказвацца і жадаюць даваць нам парады», - заявіў адзін з вядучых праграмы.