План РПСС на 28 верасня

Актывісты «Рэвалюцыі праз сацыяльную сетку» апублікавалі план дзеянняў падчас чарговай акцыі 28 верасня.

Арганізатары прапануюць прайсці разам з заўзятарамі пасля матчу Лігі Чэмпіёнаў ад стадыёна «Дынама» да Кастрычніцкай плошчы.

Шпацыр ад стадыёна «Дынама» да станцыі метро Кастрычніцкая

28.09. Ліга Чэмпіёнаў - матч БАТЭ - Барселона

Пачатак гульні - 21:45

Канец (прыкладна) - 23:50

План на 28-ае верасня:

Пасля гульні, усе хто хоча ўдзельнічаць у акцыі, ідуць у бок метро «Кастрычніцкая» разам з заўзятарамі. Тыя, хто падтрымлівае ідэю пераменаў у Беларусі, проста ідуць і пляскаюць у ладкі (альбо пляскаць толькі на Кастрычніцкай).

Даўжыня маршруту 800 - 1000 метраў.

Шляхі маршруту:

а) праз сквер да праспекта і па ім да Кастрычніцкай;

б) па вул. Кірава да вул.Леніна (альбо да вул. Энгельса) і на праспект да Кастрычніцкай;

в) па вул. Кірава да вул. Валадарскага (альбо да вул. Свярдлова) і на праспект да Кастрычніцкай;

Канчатковая кропка маршруту - Кастрычніцкая плошча (калі Кастрычніцкая перакрытая збіраемся вакол плошчы з боку праспекта Незалежнасці)

Нашыя дзеянні:

1) Пасля гульні выходзім па адным з пералічаных маршрутаў і рухаемся да Кастрычніцкай плошчы;

2) Па дарозе можна пляскаць у ладкі, але гэта не абавязкова, галоўнае - прыбыць у канчатковую кропку маршруту і зладзіць апладысменты разам з усімі, хто там сабраўся;

3) Працягласць акцыі - 1 гадзіна (арыентыровачна з 00:00 да 01:00 гадзіны ночы). Увесь шлях ад стадыёна да Кастрычніцкай плошчы павінен заняць хвілін 15-20, яшчэ 20-40 хвілін можна ладзіць апладысменты на галоўнай Плошчы нашага горада! На гэтым усё, ціха і мірна разыходзімся, акцыя завершаная!