У Менску ДТЗ з удзелам двух маршрутак: чацвёра пацярпелых

Малавытлумачальны ўсплёск аварый з удзелам грамадскага транспарту на вул. Любімава ў Менску.

Учора раніцай сутыкнуліся BMW і аўтобус, піша onliner.by.

А позна вечарам маршрутнае таксі ўрэзалася таксама ў маршрутку. «Па папярэдніх дадзеных, пацярпелі чатыры чалавекі, траўмы ў іх няцяжкія», - паведаміла старшы інспектар агітацыі і прапаганды ДАІ Маскоўскага раёна Любоў Трэпашка.

Пра гэтае здарэнне на форуме паведаміў Rs_, які размясціў фатаграфіі (асаблівасці аўтарскай арфаграфіі і пунктуацыі захаваныя): «Сур'ёзнае ДТЗ з удзелам 2х маршурутак (1280 і хх24) і аўдзі 100 на праспекце Любімава насупраць крамы «У кургана». 1280 з кучай пасажыраў заехала ў дрэва. На месцы ДТЗ працуюць 4 машыны хуткай дапамогі. Я сведчыў толькі наступствы ДТЗ, так што пра яго прычыны можна толькі здагадвацца... Ёсць падазрэнне, што кіроўца а100 не прапусціў маршрутку пры выездзе са двара».

У ДАІ не пацвердзілі гэтую інфармацыю.

- Па папярэдніх дадзеных, кіроўца адной з маршрутак рухаўся па вул. Любімава, адцягнуўся ад кіравання і ўрэзаўся ў яшчэ адну маршрутку, якая стаяла каля краю праезнай часткі, - распавяла Любоў Трэпашка. - Апошні аўтамабіль ад удару прасунуўся і здзейсніў сутыкненне з легкавым аўтамабілем. Усё гэта адбылося каля 23:00.

Паводле інфармацыі ДАІ, у шпіталі былі дастаўлены чатыры чалавекі. Іх стан удакладняецца.