Платных дарог стане больш

Міністэрства транспарту і камунікацый абяцае разгледзець такую ​​магчымасць на самым высокім узроўні.

Пра гэта падчас прамой тэлефоннай лініі паведаміў Міністр транспарту і камунікацый Іван Шчэрба, перадае БелТА.

«Да пытання спагнання платы за праезд па дарогах агульнага карыстання мы падыходзім вельмі акуратна. Пакуль праезд па большай частцы дарог бясплатны, але паступова мы прыйдзем да таго, што спіс платных дарог значна пашырыцца. Нашае насельніцтва вельмі хваравіта рэагуе на ўсялякага кшталту падаткі і зборы. Але нельга не прызнаць, што прапанова мае права на жыццё. Мы пытанне абмяркуем і разгледзім на самым высокім узроўні. Таму што за якасць дарожнай сеткі выступаюць многія, а вось плаціць за магчымасць карыстацца сучаснай камфартабельнай трасай гатовыя адзінкі», - сказаў Шчэрба.