У Маладзечне абясцэненыя рублі здалі ў макулатуру (Фота)

У Маладзечне, на адным са сметнікаў пад надпісам «Месца для збору макулатуры» былі прылепленыя дробныя беларускія грошы.

Напэўна, хтосьці хацеў такім чынам выказаць агульныя настроі грамадства: абурэнне абясцэньваньнем беларускага рубля, піша ПЦ «Вясна».

Распаўсюд падобных настрояў пацвярджаюць словы касіркі адной з мясцовых крам Ірыны:

- У апошні час я стамілася выслухоўваць ад людзей, што грошы ўжо не змяшчаюцца ў гаманцах, а купіць на іх можна ўсё менш.

Фота зроблена відавочцам на камеру мабільнага.