Налёт на кватэру маладафронтаўцаў

Раніцай 13 красавіка ў кватэры, якую здымаюць актывісты «Маладога Фронту», адбыўся ператрус.

Прыйшоўшы дадому, адзін з хлопцаў заўважыў, што вокны і гаўбец у кватэры адкрытыя, на падлозе валяюцца рэчы, агітацыйныя матэрыялы і сцягі зніклі, паведамляе прэс-служба «Маладога Фронту».

Па непацверджанай інфармацыі, у кватэры падчас ператрусу мог знаходзіцца актывіст арганізацыі Павел Сяргей. На дадзены момант ягонаее месцазнаходжанне невядома і сувязь з ім адсутнічае. Верагодна, ён быў затрыманы і цяпер знаходзіцца ў адным з РАУС сталіцы.

Маладафронтаўцы лічаць, што гэты інцыдэнт звязаны з падрыхтоўкай да «Чарнобыльскага шляху».