12 лiпеня 2024, Пятніца, 21:16
Падтрымайце
сайт
Сім сім,
Хартыя 97!
Рубрыкі

Алесь Бяляцкі ўпершыню патэлефанаваў дадому

3
Алесь Бяляцкі ўпершыню патэлефанаваў дадому

Увечары 27 красавіка Алесь Бяляцкі патэлефанаваў дадому. Трубку падняла жонка палітвязня Наталля Пінчук.

Наталля кажа, што была вельмі радая пачуць мужа, тым больш што гэта было ягонае першае тэлефанаванне з калоніі. Алесь паабяцаў напісаць у лісце, калі яшчэ зможа патэлефанаваць. Наталля хвалюецца пра стан здароўя Алеся, паведамляе «Радыё Свабода».

«Я пачула, што ён у нос кажа, спытала пра ягонае здароўе. На гэта ён сказаў, што адчувае сябе нармальна, што ёсць рэшткі прастуды, але ў асноўным усё нармальна. Настрой у яго быў нармальны, голас бадзёры, але, як я зразумела, бадзёрасці надавала чарга, якая за ім стаяла. Кажа, усё, заканчваем. Я паспрабавала абурыцца - чаму? Можа дадуць пагаварыць больш за 5 хвілін, а ён кажа - не, за ім вялікая жывая чарга і кожны вельмі хоча сваімі хвілінамі скарыстацца», - распавяла жонка палітвязня.

У размове Алесь пацвердзіў, што будзе абскарджваць новы пазоў падаткавікоў да яго. Праваабаронцу выставілі яшчэ каля 140 мільёнаў рублёў пені нібыта за несвоечасова пагашаныя падаткі і штрафы. Між тым, сваякі Бяляцкага кажуць, што сума пазову была праіндэксаваная і выплачаная цалкам.

Напісаць каментар 3

Таксама сачыце за акаўнтамі Charter97.org у сацыяльных сетках