Тэлефонная сувязь падаражэла

РУП «Белтэлекам» павысіла тарыфы на фіксаваную тэлефонную сувязь.

Павышэнне коштаў стане магчымым, так як Міністэрства эканомікі перагледзела гранічныя максімальныя тарыфы на паслугі электрасувязі агульнага карыстання, якія аказваюцца фізічным і юрыдычным асобам. Так, з 10 жніўня ўступіла ў сілу пастанова Міністэрства эканомікі № 63 ад 27 ліпеня 2012 года. Большасць тарыфаў былі павышаны на 20%, паведамляе БелТА.

Абаненцкая плата за асноўны тэлефон, які ўключаны ў асобную абаненцкую лінію, дасягнула Br5520. Для ўладальнікаў тэлефонаў, уключаных па спаранай схеме ў адну агульную абаненцкую лінію з рознымі нумарамі, штомесячная плата склала Br4500. Кошт хвіліны размовы павышаны да Br18.

Для абанентаў, не пераведзеных на пагадзінную сістэму аплаты, штомесячная плата вырасла за асноўны тэлефон індывідуальнага карыстання да Br7920, за асноўны тэлефон калектыўнага карыстання - да Br12 000. Плата за асноўныя, уключаныя па спаранай схеме ў адну агульную абаненцкую лінію розныя нумары, тэлефоны індывідуальнага і калектыўнага карыстання склала Br6000.

Гранічныя тарыфы па міжгароднім тэлефонным злучэнням павышаны да Br46 за хвіліну (Br69 - з дапамогай тэлефаніста). Кошт міжгародніх тэлефонных размоў традыцыйна быў ніжэй, калі тэлефанаваць жыхару іншага горада ў межах адной вобласці, але цяпер тарыфы сталі аднолькавымі. «Кожны абанент можа здзяйсняць званкі па адзіным тарыфе па-за залежнасці, устанаўлівае ён злучэнне ў межах вобласці або рэспублікі», - адзначылі ў РУП «Белтэлекам».

Для юрыдычных асоб і індывідуальных прадпрымальнікаў абаненцкая плата за асноўны тэлефон дасягнула Br9000, а кошт хвіліны злучэння вырасла да Br36. Міжгароднія тэлефонныя злучэнні цяпер абыйдуцца ў Br62 за хвіліну (Br95 - з дапамогай тэлефаніста).

На ранейшым узроўні засталіся гранічныя тарыфы на падключэнне тэлефона, а таксама прадастаўленне доступу да сеткі Інтэрнэт у пунктах калектыўнага карыстання.