Дабрачыннасць за чужы кошт

Чыноўнікі Ушацкага райвыканкама адабраідзелі дзяцей-сірот за кошт іншых грамадзян, абдурыўшы іх на газавым пытанні.

Для таго каб аднавіць свае правы членам спажывецкага кааператыва «Мена-газ» прыйшлося звярнуцца ў Камітэт дзяржкантролю Віцебскай вобласці. Васіля Максімава, які прыйшоў на прыём да кіраўніка абласнога КДК, старшыня кааператыва прасіў разабрацца па пытанні аплаты будаўніцтва вулічнага размеркавальнага газаправода з падвядзеннем да жылых дамоў па вул.Лясная ў аграгарадку Арэхаўна Ушацкага раёна, піша «Ежедневник».

Яшчэ ў 2010 годзе жыхары вул.Лясной, арганізаваўшы для падвядзення да сваіх хат прыроднага газу спажывецкі кааператыў «Мена-газ», з выкарыстаннем льготных крэдытаў ўнеслі 30 адсоткаў уласных сродкаў на будаўніцтва вулічнага газаправода, астатняя частка грошай была выдзеленая з абласнога бюджэту.

Аднак па адным з дамоў (дзіцячы дом сямейнага тыпу, пабудаваны для сям'і, якая выхоўвае дзяцей-сірот), размешчанага на гэтай жа вуліцы, Ушацкі райвыканкамам вынес рашэнне, якое прадугледжвае падлучэнне новага карыстальніка прыроднага газу без кампенсацыйных выплат кааператыву, то бок, за кошт сродкаў спажывецкага кааператыва.

Члены спажывецкага кааператыва, якія заплацілі вялікія грошы за падводку газаразмеркавальнай сістэмы, з такім рашэннем не пагадзіліся. Старшыня «Мена-газ» звярнуўся ва Ушацкі райвыканкам. Аднак мясцовыя ўлады сваё рашэнне пакінулі ў сіле, адмовіўшыся кампенсаваць кааператыву выдаткі.

Па даручэнні старшыні Камітэта дзяржкантролю Віцебскай вобласці Васіля Максімава Віцебскім аблвыканкамам былі прааналізаваныя ўсе матэрыялы, звязаныя са зваротам кіраўніка спажывецкага кааператыва «Мена-газ». Па выніках праведзенага разгляду рашэнне Ушацкага райвыканкама ад 18 кастрычніка 2012 года было прызнанае неабгрунтаваным, а разгляд звароту фармальным.

Так, напрыклад, у адказе старшыні кааператыва не растлумачаная падстава па падлучэнні да аб'екта газаразмеркавальнай сістэмы, пабудаванаму з прыцягненнем грашовых сродкаў грамадзян, новага спажыўца без узгаднення з кааператывам. А просьба заяўнікаў ажыццявіць разлік і выплату грашовых сродкаў грамадзянам за падлучэнне новага спажыўца засталася наогул без адказу. Такім чынам, Ушацкі райвыканкам не толькі не вырашыў пытанне членаў «Мена-газ», але і парушыў заканадаўства аб зваротах грамадзян і юрыдычных асоб.

Дзякуючы ўмяшанню Камітэта дзяржкантролю ў сітуацыю, якая склалася паміж спажывецкім кааператывам і райвыканкамам, рашэнне райвыканкама, якое прадугледжвае падлучэнне новага карыстальніка прыроднага газу без кампенсацыйных выплат, у цяперашні час адмененае і прадугледжана кампенсацыя спажывецкаму кааператыву грашовых сродкаў у суме больш за 7 мільёнаў рублёў.

Панеслі пакаранне і чыноўнікі, якія фармальна разгледзелі зварот. Намеснік старшыні райвыканкама прыцягнуты да дысцыплінарнай адказнасці за неналежны разгляд пытання службамі, якія ён курыруе.