Забойца Гангадзэ атрымаў пажыццёвы тэрмін

Былы начальнік дэпартамента вонкавага назірання МУС Украіны Аляксей Пукач прысуджаны да пажыццёвага пазбаўлення волі.

Адпаведны вердыкт абвешчаны ў Пячэрскім раённым судзе Кіева, паведамляе «РИА Новости».

Пажыццёвы тэрмін для Пукача патрабавала Дзяржабвінавачанне.

Агучваючы вердыкт, суддзя зачытаў сведчанні абвінавачанага, у якіх той сцвярджаў, што забіў журналіста выпадкова. Са слоў Пукача, у дзень забойства журналіста Георгія Гангадзэ вывезлі за горад, каб праверыць інфармацыю аб тым, што ён займаецца незаконнай шпіёнскай дзейнасцю. Пукач нібыта выпадкова зламаў храсток на шыі Гангадзэ папругай, якой душыў журналіста, каб напалохаць яго.

Са сведчанняў Пукача вынікае, што Гангадзэ не прызнаўся ў шпіянажы, аднак паведаміў яму пра тое, што збіраў інфармацыю для замежных амбасадаў з мэтай змены ўлады на Украіне. Нібыта за гэтую інфармацыю журналіст павінен быў атрымаць ад амбасады ЗША 400 тысяч даляраў.

Заснавальнік інтэрнэт-выдання «Украінская праўда» Георгій Гангадзэ знік у Кіеве 16 верасня 2000 года. 2 лістападзе таго ж года ў лесе ў Кіеўскай вобласці быў знойдзены абезгалоўлены труп, які, паводле высноў экспэртаў, мог належаць журналісту (фрагменты яго чэрапа ўдалося выявіць толькі праз дзевяць гадоў).

У поле зроку следчых, якія займаліся гэтай справай, Пукач патрапіў яшчэ ўвосень 2003 года. Ён быў затрыманы паводле падазрэння ў знішчэнні дакументаў, якія сведчаць аб сачэнні за журналістам. Праз тыдзень яго вызвалілі, пасля чаго Пукач знік. У пачатку 2005 года яму выставілі завочнае абвінавачанне ў забойстве журналіста.

Тады ж абвінавачванні былі выстаўленыя яшчэ тром фігурантам справы - былым падначаленым Пукача Валерыю Кастэнку, Мікалаю Пратасаву і Аляксандр Паповічу. Пазней яны былі прысуджаныя судом да 12 і 13 гадоў пазбаўлення волі.

У ліпені 2009 года стала вядома пра злаўленні Пукача. Ён доўгі час хаваўся ў вёсцы Малочкі Жытомірскай вобласці, дзе жыў пад выдуманым імем (Пётр Загарулька) і называўся капітанам далёкага плавання. У ходзе следства генерал прызнаўся, што ўласнаручна задушыў Гангадзэ.

Афіцыйна аб заканчэнні расследавання «справы Гангадзэ» Генпракуратура абвясціла ў 2010 годзе. Галоўным замоўцам забойства быў названы экс-кіраўнік МУС Краўчанка. Ён быў знойдзены мёртвым на сваім лецішчы 4 сакавіка 2005 года, за дзень да выкліку на допыт у пракуратуру. Прычынай смерці было названае самагубства.

Прадстаўнікі загінулага журналіста сцвярджалі, што ў расследаванні было дапушчана шмат памылак, і што да забойства Гангадзэ датычныя яшчэ некалькі высокапастаўленых чыноўнікаў. Рэч у тым, што яшчэ ў 2000 годзе (менш як праз месяц пасля знікнення журналіста) з трыбуны Вярхоўнай Рады быў прайграны аўдыёзапіс, зробленая маёрам СБУ Мікалаем Мельнічэнкам. На стужцы быў чутны голас, падобны да голасу былога прэзідэнта Украіны Леаніда Кучмы, які аддае загад «разабрацца» з Гангадзэ праз ягоныя публікацыі. Справу ў дачыненні да Кучмы паводле гэтага эпізоду распачалі ў 2011 годзе, аднак пазней яна была спыненая.