Фінляндыя пацвердзіла ўдар Украіны па расійскім ракетным караблі за 40 км ад свайго ўзбярэжжа
- 12.11.2026, 20:48
Карабель знаходзіўся ў Фінскім заліве паблізу вострава Гогланд.
Сілы абароны Фінляндыі пацвердзілі, што 11 лістапада Украіна атакавала расійскі малы ракетны карабель «Нара-Фамінск» у Фінскім заліве паблізу вострава Гогланд. Востраў размешчаны прыкладна за 40 км ад фінскага горада Котка.
Пра гэта ў чацвер, 12 лістапада, паведаміла фінская тэлерадыёкампанія Yle.
Як піша выданне, у фінскіх узброеных сілах пацвердзілі факт удару ў адказ на запыт, але не ўдакладнілі, дзе, калі і як ён быў зафіксаваны. Прамой ваеннай пагрозы для краіны там не бачаць. Двое высокапастаўленых чыноўнікаў таксама паведамілі Yle, што Фінляндыя зафіксавала атаку.
Пра выбух на караблі расійскага Балтыйскага флоту паведаміў таксама міністр абароны Эстоніі Мартын Херэм эстонскаму вяшчальніку ERR. Паводле яго слоў, пасля ўдару карабель накіраваўся ў бок Санкт-Пецярбурга. Маштабы пашкоджанняў і магчымыя страты сярод экіпажа невядомыя.
У ноч на 11 лістапада СБУ разам з іншымі падраздзяленнямі Сіл абароны атакавала порт Усць-Луга ў Ленінградскай вобласці. Паводле даных СБУ, на тэрміналах «Новатэк-Усць-Луга» і «Усць-Луга Ойл» былі пашкоджаныя рэзервуары з нафтапрадуктамі, узніклі маштабныя пажары. У Генштабе ўдакладнілі, што пашкоджаныя пяць рэзервуараў агульным аб’ёмам 150 тысяч кубаметраў, устаноўка гідракрэкінгу і прычал для адгрузкі нафтапрадуктаў на танкеры.
У межах той самай спецаперацыі СБУ паразіла малы ракетны карабель «Нара-Фамінск» праекта «Буян-М», спушчаны на ваду ў 2022 годзе. Ён з’яўляецца носьбітам крылатых ракет «Калібр» і супрацькарабельных ракет «Онікс». Паводле даных аналітыкаў Exilenova+, атака адбылася паблізу вострава Гогланд.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
