Кіроўца з кантрабандай штурмаваў беларускую мяжу?

Аўтамабіль, у якім была знойдзеная кантрабанда, збіў шлагбаўм і заехаў на тэрыторыю Беларусі.

Інцыдэнт адбыўся на памежным пераходзе «Урбаны » 3 кастрычніка. Пра яго сайту charter97.org паведаміў адзін з чытачоў.

«Я быў на мяжы Беларусі і Латвіі 3 кастрычніка, на пераходзе «Урбаны», і назіраў прарыў мяжы аўтамабілем «Субару» з літоўскімі нумарамі. Кіроўца дастаў з-пад колаў шыпы, якія паклалі супрацоўнікі пасля выяўлення кантрабанды, завёў арыштаваны аўтамабіль, збіў шлагбаўм і бесперашкодна заехаў на тэрыторыю Беларусі. Ніхто яго нават не спрабаваў затрымаць. Супрацоўнікі памежнай сужбы проста палілі ў двух метрах ад аўтамабіля», - піша ён.

Чытач таксама адзначыў, што на працягу двух дзён пасля інцыдэнту памежнікі праводзілі ўзмоцненую праверку на дарогах Мёрскага, Браслаўскага і Верхнядзвінскага раёнаў.

Чытач паспрабаваў высветліць падрабязнасці таго, што адбылося, і патэлефанаваў памочніку начальніка Полацкага памежнага атрада па працы са СМІ Дзянісу Глебку, аднак той проста кінуў слухаўку і не стаў нічога тлумачыць.

На сайце Дзяржпамежкамітэта інфармацыя пра інцыдэнт адсутнічае.