Навукоўцы: Неба Сатурна і Юпітэра ўсеяна велізарнымі дыяментамі

У верхніх слаях атмасферы планет могуць ісці каштоўныя дажджы.

Амерыканскія навукоўцы паведамілі, што ў атмасферы Юпітэра і Сатурна могуць утрымлівацца гіганцкія алмазы, якія нават «праліваюцца» дажджом з-за звышвысокага ціску і высокай тэмпературы нетраў планет.

Фармаванне каштоўных камянёў у атмасферы патрабуе асаблівых умоў, таму дакладнага пацверджання гэтай інфармацыі няма. Аднак эксперты лічаць, што дыяменты могуць утрымлівацца ў ніжніх пластах атмасферы Юпітэра і Сатурна, перадае «8 канал».

Як тлумачаць навукоўцы, у верхніх слаях атмасферы гэтых планет часта адбываюцца буры, у ходзе якіх частка вуглевадародаў ператвараецца ў графіт або сажу. Гэтая матэрыя трапляе ў ніжнія часткі атмасферы, дзе пад уплывам асаблівай камбінацыі тэмператур і ціскаў ператвараецца ў мікрадыяменты, і працягвае рухацца да ядра гігантаў. Там мікрадыяменты расплаўляюцца і ператвараюцца ў вадкасць, частка якой можа «ўсплыць» у атмасферу і ператварыцца ва ўжо буйныя камяні.

Фота: wikimedia.org/wiki/User:Masa