Нафтавае пытанне вырашаць Мясніковіч і Мядзведзеў
21- 10.10.2013, 11:04
- 9,685
Канчатковае рашэнне па аб'ёмах пастаўкі расейскай нафты ў Беларусь з'яўляецца прадметам абмеркавання ўрадаў дзвюх краін.
Пра гэта заявіў журналістам у чацвер у Менску амбасадар Расеі ў Беларусі Аляксандр Сурыкаў, піша «Інтэрфакс».
«Гэтыя пытанні будуць абмяркоўвацца, як я разумею, паміж двума ўрадамі для прыняцця канчатковага рашэння па IV квартале», - сказаў Сурыкаў.
Ён дадаў, што «ў нас ёсць жаданне максімальна задаволіць просьбу беларускага боку, але ёсць і іншыя кантрактныя абавязацельствы».
Сурыкаў адзначыў, што пасяджэнне «саюзнага» Саўміна, на якім, як заяўлялася раней, плануецца аформіць рашэнне па нафтавым балансе, адбудзецца, верагодна, у лістападзе.
З пачатку гэтага года, нагадаем, Расея ажыццяўляе пастаўкі нафты ў Беларусь у рамках графікаў паставак, якія зацвярджаюцца штоквартальна.
Фота: РІА «Новости»